NoNa
مشرفة منتدى المرأة والجمال
 عدد الرسائل : 52
العمر : 37
البلد : مملكه الورود
حلمك : اطير فى السما
المزاج : رايـــــــــــــق
تاريخ التسجيل : 28/01/2008
 | موضوع: كلمتين قبل ال...............  الجمعة مارس 07, 2008 6:25 pm | |
| الجواز اجمل هديه
بس عايز مفهوميه
اما لوتم بتسرع
يصبحوا العروسين ضحيه
والحكايه مش عاديه
عندنا فى الريف عادات
سايره بين العائلات
يطلبوا ايد البنات
قبل سنه الاعداديه
والحكايه مش عاديه
والعروسه تخش بيتها
تبتدى بشورة مامتها
تجرى وتسابق جارتها
وف سنه تولد بنيه
والحكايه مش عاديه
تبقى ام وهيا طفله
والعذاب يبدأ بحفله
والجميع يخرج فى غفله
ويسيبوا ليها المسئوليه
والحكايه مش عاديه
والعيال عام بعد عام
يكتروا معرفش كام
والسبب ام المدام
ضللتها بحسن نيه
والحكايه مش عاديه
والمدام بتهد حيلها
بين طابيخها وبين غسيلها
تقضى يومها زى ليلها
طالعه نازله رايحه جايه
والحكايه مش عاديه
كل يوم اشكال جديد
بده ام تكون حديد
والهموم طبعا تزيد
والشباب يدبل شويه
والحكايه مش عاديه
والشباب ملهوش امان
راح يضيع قبل الاوان
والعيوب تبدأ تبان
مهما تخفيها الصبيه
والحكايه مش عاديه
والصبيه بيظلموها
يوم مابينسوا يعلموها
حتى يوم مايجوزوها
بيسبوها بدون وصيه
والحكايه مش عاديه
والبنات دايما عزاز
علموهم باعتزاز
دا العلام قبل الجواز
يجعل الايام هنيه
والامور تصبح عاديه
| |
|
نداء الحق
مشرفة المنتدى الأسلامى
عدد الرسائل : 92
العمر : 37
البلد : دمياط
حلمك : الجنه
المزاج : القراء
تاريخ التسجيل : 20/02/2008
| | موضوع: رد: كلمتين قبل ال............... السبت مارس 08, 2008 7:52 pm | |
| جزاكى ربى خير ا نونا
على هذا الموضوع الرائع | |
|
